Ցուկերբերգը ներողություն է խնդրել սոցցանցերի աշխատանքի խափանումների համար. հայտնի է, թե ո՞րն է եղել պատճառը

Facebook ընկերության ղեկավար Մարկ Ցուկերբերգը ներողություն է խնդրել Facebook, Instagram սոցցանցերում և WhatsApp մեսենջերում գրանցված խափանումների համար՝ նշելով, որ դրանք վերսկսել են իրենց աշխատանքը։ Խափանումները վերացվել են կեսգիշերն անց։

«Ներողություն եմ խնդրում խափանման համար։ Գիտեմ, թե որքան եք ապավինում մեր ծառայություններին՝ հարազատ մարդկանց հետ կապի մեջ մնալու համար»,-գրել է Ցուկերբերգն իր ֆեյսբուքյան էջում։

Ընկերության մամուլի ծառայությունն իր հերթին հայտնում է, որ խափանումների պատճառով օգտատերերի անձնական տվյալները սպառալիքի տակ չեն հայտնվել, իսկ խափանումների պատճառը եղել է կոնֆիգուրացիոն սխալ փոփոխությունը երթուղղիչներում, որոնք պատասխանատու են տվյալների մշակման կենտրոնների միջև ցանցային թրաֆիքի համակարգման համար։