Թբիլիսիում ժայռ է փլուզվել

Հինգշաբթի՝ լույս ուրբաթ գիշերը Թբիլիսիի հյուսիսում ժայռի մի մասը փլուզվել է։ Մոտակա տասը հարկանի շենքի բնակիչները տարհանվել են՝ երկրորդ սողանքի սպառնալիքի պատճառով, հաղորդում է Sputnik Georgia-ն:

«Երեկ երեկոյան Թբիլիսիի Սաբուրթալո շրջանում ժայռի մի մասը փլուզվել է: Հարակից տարածքում գտնվող տասը հարկանի շենքի բնակիչները տարհանվել են՝ երկրորդ սողանքի սպառնալիքի պատճառով։ Նրանք ստիպված են եղել գիշերել հյուրանոցում»,- հայտնում է գործակալության տելեգրամյան ալիքը։

Ինչպես հայտնում են Թբիլիսիի քաղաքապետարանից, մասնագետները կուսումնասիրեն Լորտկիպանիձե փողոցի ժայռը, որից հետո կսկսվեն ամրացման աշխատանքները: Ժայռի փլուզումը տեղի է ունեցել շինարարական աշխատանքների պատճառով։ Այժմ դրանք ամբողջությամբ դադարեցված են: