Ռուս թիավարները ելույթ չեն ունենա Օլիմպիական խաղերի երկամարտի քառյակում
Ռուս թիավարները ելույթ չեն ունենա Տոկիոյի օլիմպիական խաղերի երկամարտի քառյակում: Այս մասին հայտնում է «Говорит Москва»-ն:
Դոպինգի դրական թեստերի պատճառով թիավարներ Նիկիտա Մորգաչովը և Պավել Սորինը հեռացվել են օլիմպիական հավաքականից:
Նրանք երկամարտի քառյակում պետք է փոխարինեին Ալեքսանդր Մատվեևին և Նիկիտա Էսկինին:
Ռուսաստանի թիավարության ֆեդերացիան չի կարողացել փոխարինող գտնել մելդոնիումի պատճառով որակազրկված թիավարներին: Այս որոշման կապակցությամբ Արտյոմ Կոսովը և Նիկոլայ Պիմենովը նույնպես չեն մեկնի օլիմպիական խաղեր: «Ռուսաստանի հավաքականի մարզչական խորհուրդը եկել է այն եզրակացության, որ նրանց վարպետության մակարդակը չի համապատասխանում օլիմպիական չափանիշներին», - ասված է ֆեդերացիայի հայտարարության մեջ:
