Նորածնի վիճակը կայուն է, վատացում չկա. Շուշան Դանիելյան

Նորածնի վիճակը կայուն է, նվազել է թթվածնակախվածությունը։ Այս մասին Facebook-ի էջում տեղեկացրել է Մխիթար Հերացու անվան բժշկական համալսարանի աշխատակազմի ղեկավար Շուշան Դանիելյանը։ «Հուլիսի 14-ին «Մուրացան» համալսարանական հիվանդանոցային համալիրի մանկական և նորածնային վերակենդանացման կլինիկա տեղափոխված նորածնի վիճակն այս պահի դրությամբ կլինիկայի ղեկավար Հրանտ Կալենտերյանը գնահատում է կայուն, վատացում չկա»,- փոխանցել է նա։ Շուշան Դանիելյանը նաև հայտնել է, որ երեխան դեռևս շարունակում է մնալ համալսարանական մասնագետների անմիջական հսկողության ներքո է, վիճակի հնարավոր փոփոխության վերաբերյալ տեղեկատվությունը կթարմացվի: Հիշեցնեք, որ երեկ Երևանի Արցախի փողոցի 15 շենքի մուտքերից մեկի մոտից «Մուրացան» համալսարանական հիվանդանոցային համալիր է տեղափոխվել նորածին երեխա, որը ոչ հիվանդանոցային պայմաններում պահվելու արդյունքում ուներ ինֆեկցիաներ, ինչպես նաև շնչառական անբավարարություն: Հիշեցնենք նաև, որ ոտիկանության Էրեբունու բաժին էր ահազանգել Երևանի մի բնակիչ և հայտնել, որ Արցախի փողոցում շենքերից մեկի մուտքի մոտ նորածին երեխայի է հայտնաբերել։