«Արսենալի» ֆուտբոլիստը Լոնդոնում ավտովթարի է ենթարկվել

Լոնդոնի «Արսենալի» անգլիացի կիսապաշտպան Էնսլի Մեյթլենդ-Նայլզն ավտովթարի է ենթարկվել Լոնդոնում, հայտնում է Sky Sports-ը: 

23-ամյա ֆուտբոլիստն իր Mercedes G-Class մեքենայով կողաշրջվել է: Միջադեպը տեղի է ունեցել առավոտյան 06:00-ի սահմաններում:

Միջադեպից հետո «Արսենալի» բժիշկը զանգել է Մեյթլենդ-Նայլզ, որը հայտնել է, որ չի տուժել:

Ավարտված մրցաշրջանի երկրորդ հատվածում անգլիացին վարձավճարով հանդես էր գալիս «Վեստ Բրոմվիչում», որի կազմում անցկացրել է 12 հանդիպում: