ՏԵՍԱՆՅՈՒԹ. Ընտրատեղամասում 2 ՔՊ-ական քաշքշել ու հայհոյել են զոհվածի կնոջն ու վստահված անձին. «Հրապարակ»

Քիչ առաջ միջադեպ տեղի ունեցավ 7/07 ընտրատեղամսում։ Հեռվից ֆիքսեցինք, որ ընտրատեղամասում սեռական բնույթի բարձր հայհոյանքներ են հնչում։ Մոտենալով տեսանք, որ ընտրատեղամասում հայհոյանքներ ու քաշքշուկ է։ Այս մասին գրում է «Հրապարակը»: 

Մեզ հետ զրույցում «Ազատություն» կուսակցության վստահված անձն ասաց, որ վիճաբանությունը ծագել է Նիկոլ Փաշինյանի անձի վերաբերյալ խոսակցությունից, ՔՊ-ականները ծանր են տարել, որ ինքը դեմ է Նիկոլ Փաշինյանին․

«Ոստիկանների ներկայությամբ 2 ՔՊ-ական սպառնացին ինձ հետ ֆիզիկական հաշվերհարդար տեսնել, ոստիկանների ներկայությամբ, ես էլ բորբոքված, տաքացած մի քանի խոսք էլ ես իրենց ասացի։ Ես ասացի, որ ես ներկայացնում եմ մի կուսակցություն, որը Նիկոլին դեմ է, իրենք էլ սկսեցին ինձ հանդարտության կոչեր անել և այլն»,- ասաց վստահված անձը։ նա նաև նշեց, որ ՔՊ-ականները վիրավորել են զոհվածի կնոջը և դրանից իրավիճակը ավելի է թեժացել։