Փոթորիկը իր սև գործն է արել Արարատի մարզի Հայանիստ գյուղում. գյուղապետն էլ տնետուն ընկած վնասներն է հաշվում. Shamshyan com
Երեկ՝ մայիսի 22-ին, փոթորիկը իր սև գործն է արել նաև Արարատի մարզի Հայանիստ գյուղում: Ինչպես գյուղից հայտնում է ֆոտոլրագրող Գագիկ Շամշյանը, ուժեղ քամին ու փոթորիկը գյուղում վնասել են մի քանի էլեկտրասյուներ, կոտրել , ավերել տանիքներ:
Shamshyan.com-ի հետ զրույցում գյուղացիներն ասում էին. «Էնքան կարճ տևեց փոթորիկը, բայց այդ կարճ ժամանակում իր ավերածություններն արեց: Շիվար կանգնել ենք, չգիտեք էլ՝ ում դիմենք մեզ օգնելու համար: Առաջին պահից գյուղապետ Բալաբեկ Սարգսյանը մեր բորոլիս կողքին է եղել, բայց դե գաղտնիք չի, որ գյուղապետարանը այդքան ֆինանս չունի, որ օգնի: Գիտենք, որ արդեն դիմել է Արարատի մարզպետարան, ովքեր էլ, հավանաբար, կդիմեն կառավարութուն, բայց դե կառավարությունը մեր դարդին դարման կլինի՝ չգիտենք:
Փաթորկի հետևանքով գյուղում նաև հոսանքները անջատվեց, բայց գյուղապետը էդ հարցում նույնպես օպերատիվ էր, ափալ-թափալ «Հայաստանի էլեկտրական ցանցեր» ընկերութանը տեղեկացրեց իրավիճակի մասին...»:
Մանրամասները՝ կայքում:
