Բնակարանից հեռախոս էր գողացել ու բռնվել. Օգտվել էր դուռը բաց լինելու հանգամանքից

Մայիսի 19-ին ոստիկանության Էրեբունու բաժնում տեղեկություններ էին ստացվել, որ Ռուսթավելու փողոցի 30-ամյա մի բնակիչ վարչական շրջանի մի տնից գողություն է արել։ 

Ոստիկանությունից հայտնում են, որ ձեռք բերված տեղեկությունների իսկությունը ստուգելուց հետո կասկածվողը բերման ենթարկվեց ոստիկանության Էրեբունու բաժին: 

Պարզվել է, որ նա, օգտվելով մուտքի դուռը բաց լինելու հանգամանքից, Խորենացու փողոցի մի տնից բջջային հեռախոս էր գողացել՝ տանտիրոջը պատճառելով 150 000 դրամի նյութական վնաս։ 

Գողոնը հայտնաբերվել է։ 

Փաստի առթիվ նախապատրաստվում են նյութեր: