Քաղաքացիներին զրկել հնարավորությունից ԱԺ-ում ընտրելու իրենց ներկայացուցչին, հղի է վատ հետևանքներով. պատգամավոր

«Լուսավոր Հայաստանը» պնդում է, որ Հայաստանին բաց համամասնական ընտրակարգն է ձեռնտու: Համոզված են՝ դա նպաստում է ժողովրդավարությանը, քաղաքացիների կողմից քաղաքական էլիտաների ձևավորմանը, կուսակցությունների կայացմանը:

«Քաղաքացիներին զրկել հնարավորությունից ԱԺ-ում ընտրելու իրենց ներկայացուցչին, հղի է վատ հետևանքներով: Ունենալու ենք ուղղակի կոճակ սեղմողների Ազգային ժողով: Եվ սրա համար մենք առաջարկում ենք բաց համամասնական ցուցակ, ընդ որում՝ քննարկումների արդյունքում մենք նաև որոշակի զիջումների ենք գնացել մեր նախնական առաջարկից` փորձելով գտնել ինչ-որ կոնսենսուսային տարբերակ, որը ընդունելի կլիներ նաև մեծամասնության համար», - խորհրդարանում ասաց «Լուսավոր Հայաստան» խմբակցության քարտուղար Գևորգ Գորգիսյանը: