ՏԵՍԱՆՅՈՒԹ. CNN-ի բացառիկ կադրերը՝ Sputnik V-ի արտադրման գործարանից

Ռուսաստանը ցուցադրում է  նոր Covid-19 պատվաստանյութի գործարանը , նույնիսկ այն ժամանակ, երբ ռուսաստանցիները չեն համարձակվում պատվաստվել:

 

Տասնյակ տարիներ առաջ խորհրդային գիտնականները կենսաբանական զենքն ուսումնասիրել էին Վոլգայի պոլիգոնում, Մոսկվայից մոտ 70 մղոն դեպի արեւելք: Այժմ այս վայրը օգտագործվում է կորոնավիրուսի դեմ ամբողջ աշխարհում մարդկանց պաշտպանությանն ուղղված պատվաստանյութի զանգվածային արտադրության համար:

 

CNN-ը բացառիկ մուտք է ստացել գործարան, որտեղ այժմ գտնվում է Generic Pharmaceutical-ը, որի հետ Sputnik V-ն պայմանագիր է կնքել Covid-19-ի դեմ ռուսական պատվաստանյութի զանգվածային արտադրության վերաբերյալ: 

Ըստ էության, արտադրության գործընթացը հայտնի էր փոքր լաբորատոր մասշտաբներով, սակայն այն մեծ արդյունաբերական մասշտաբով ստեղծելը մեկ այլ տիեզերք է: 

 

«Այժմ մենքամեն ամիս արտադրում ենք մի քանի միլիոն դեղաչափեր եւ հույս ունենք ամսական ստանալ մինչև 10 կամ 20 մլն պատվաստանյութ»- CNN-ին ասել է GENERIUM - ի գլխավոր գիտաշխատող Դմիտրի Պոտերյաեւը: 

Հատկանշական է, որ ռուսաստանցիների թվում Sputnik V-ի պահանջարկը դեռ շատ քիչ է.

Հոդվածում նշվում է՝ դա այն երկիրն է, որն ունիCovid-19 վարակման ամենաբարձր ցուցանիշներից մեկն աշխարհում՝ ավելի քան 4,1 միլիոն դեպք: Բայց այն ունի նաեւ աշխարհի ամենաբարձր անվճռականության ցուցանիշը պատվաստանյութերի վերաբերյալ:  Հասարակական կարծիքի վերջին հարցումը, որը հրապարակվել է «Լեւադա» կենտրոնի կողմից՝ ցույց է տվել, որ ռուսաստանցիների միայն 38 տոկոսն է պատրաստ պատվաստում ստանալ: 

 

Նշենք, որ ավելի վաղ պատվաստանյութի մշակման հետեւում կանգնած առանցքային գիտնականներից մեկը հայտարարել էր, մոտ 2,2 մլն մարդ ՝ Ռուսաստանի բնակչության առնվազն 2 տոկոսը պատվաստվել է երկու անգամ:

Sputnik V-ն Covid-19-ի դեմ առաջին պատվաստանյութն է, որը հաստատվել էր անցյալ տարվա օգոստոսին աշխարհի ցանկացած վայրում օգտագործելու համար, նույնիսկ մինչեւ մարդկանց վրա լայնածավալ փորձարկումների ավարտը:

 

Ի սկզբանե գոյություն ուներ լայն թերահավատություն Sputnik V նկատմամբ, որն իր անունն ստացել է աշխարհում առաջին արբանյակից, որը Խորհրդային Միության կողմից գործարկվել է 1957 թվականին ՝ սկսելով տիեզերական մրցավազքը Միացյալ Նահանգների հետ: Քննադատներն ասում են, որ «Պուտինի պատվաստանյութը»ստեղծվել է համաշխարհային մրցավազքում, որպեսզի ընդգծվի Կրեմլի հզորությունը,անկախ նրանից, թե որքան արդյունավետ է այն կամ անվտանգ:

 

Սակայն այս ամսվա սկզբին հեղինակավոր «Լանցետ» բժշկական ամսագրում հրապարակված  լայնածավալ հետազոտությունների արդյունքները ցույց են տվել, որ պատվաստանյութի արդյունավետությունը 91,6% է:

 

Ըստ մոնիտորինգային խմբերի, պատվաստանյութերի դեմ դավադրության տեսությունները զայրութ են առաջացնում համացանցում և մեծ տարածում գտնում ռուսաստանցիների շրջանում: Ալեքսանդր Արխիպովան, ով պետական համալսարանի սոցիալական մարդաբան է՝ CNN-ին պատմել Է, որ շատ ռուսաստանցիներ մշակութային միտում ունեն չվստահելու բժշկականկարծիքին , որը դիտվում է որպես կառավարության վերահսկող ձեռքև միջամտում մարդկանց անձնական կյանքին:

 

Կասկածների եւս մեկ պատճառը կարող է լինել այն, որ թեեւՌԴ նախագահ Վլադիմիր Պուտինն ասել է, որ իր դուստրը պատվաստվել է, բայց շատերը վստահ չեն, որ նա իրականումպատվաստվել է: Կրեմլը խուսափել էայս թեմայով հարցերից, հայտարարելով, որ Պուտինն առաջիկայում պատվաստվելու է, եւազգը կիմանա, երբ նա ի վերջո պատվաստում ստանա: 

Քաղաքականություն

Պատահարներ