Մատենադարանը ձեռք է բերել պատմական արժեք ունեցող անհայտ կտավ
Մատենադարանը համալրվել է փաստագրական և գեղարվեստական արժեք ունեցող անհայտ հեղինակի ստեղծագործությամբ, որը պատկերում է կառույցի շինարարության վաղ փուլը։
Մատենադարանի մամուլի ծառայության հաղորդագրության մեջ նշվում է, որ ինստիտուտի հիմնադրման մասին նյութերը սակավաթիվ են, իսկ կտավը դրանցից եզակի օրինակ է։
Ըստ փոխանցված տեղեկության՝ խորհրդային տարիներին, անձի պաշտամունքի քննադատության ընթացքում, նկարիչը տնից հանել է աշխատանքը, քանի որ խորապատկերում «Մայր Հայաստան» հուշակոթողի փոխարեն պատկերված է եղել Իոսիֆ Ստալինի արձանը։
Կտավը նախատեսվում է ցուցադրել «1 տարվա հավերժությունը - Գ»,- ցուցադրության շրջանակում։
