BBC-ի գլխավոր տնօրենը հրաժարական է տվել Թրամփի հարցազրույցից հետո
BBC-ի գլխավոր տնօրեն Թիմ Դեյվին հրաժարական է ներկայացրել՝ ԱՄՆ նախագահ Դոնալդ Թրամփի հարցազրույցի հետ կապված սկանդալի ֆոնին։ Ինչպես հաղորդում են բրիտանական լրատվամիջոցները, The Daily Telegraph-ի բացահայտմամբ՝ BBC-ի «Panorama» հաղորդման ընթացքում Թրամփի խոսքերը մոնտաժվել էին այնպես, որ տպավորություն էր ստեղծվում, թե նա կոչ է անում գրավել Կոնգրեսը։
Թեև իրականում Թրամփը խոսել էր քաղաքական դիրքորոշումն արտահայտելու խաղաղ ձևերի մասին, հաղորդման խմբագրված տարբերակը ներկայացվել էր այլ համատեքստում, ինչը առաջացրել էր լայն հասարակական և քաղաքական քննադատություն։
BBC-ի ղեկավարությունը հաստատել է Դեյվիի հրաժարականի փաստը՝ նշելով, որ որոշումն ընդունվել է ներքին քննարկումներից հետո։ Ընկերությունը հայտարարել է նաև, որ նախատեսվում է անցկացնել ներքին քննություն՝ պարզելու, թե ինչպես է թույլ տրվել լրագրողական էթիկայի նման խախտում։
