Վրաստանը դիմադրեց, Հայաստանը՝ զիջեց. Սարգսյան

«Իմնեմնիմի» փոդքասթի թողարկման ընթացքում ՀՀ երրորդ նախագահ Սերժ Սարգսյանը մեկնաբանել է, թե ինչու Վրաստանի իշխանությունը չզիջեց ընդդիմությանը՝ Արևմուտքի աջակցության պայմաններում, իսկ Հայաստանում 2018 թվականին իշխանությունը տեղի տվեց։

«Հարգանքներիս հավաստիքը Վրաստանի իշխանություններին, ես միշտ ջերմությամբ եմ վերաբերվել և շարունակում եմ ջերմությամբ վերաբերվել վրաց ժողովրդին։ Կարծում եմ՝ նախ վրացական ընդդիմությունը չկարողացավ մինչև վերջ համոզել Վրաստանի քաղաքացիներին, որ իշխանափոխության պարագայում հարկերը կրճատվելու են, Վրաստանը դրախտ է դառնալու, հարուստների փողերը բաժանելու են աղքատներին։

Միգուցե կոռեկտ չէ իմ այս եզրակացությունը, բայց կարծում եմ, որ ընդդիմության շարքերում չկային մարդիկ, որոնք պատրաստ էին այրունահեղության։ Երկրորդ հանգամանքն այն է, որ Վրաստանի իշխանական էլիտան շատ կուռ է և երրորդ հանգամանքը՝ աշխարհաքաղաքական կենտրոններից գոնե մեկը չեզոք-դրական վերաբերմունք ուներ»,– ասել է Սարգսյանը։

Ճշգրտող հարցին՝ նկատի ունի՞ Ռուսաստանը, նա պատասխանել է՝ «այո»։