Վալոդյա Գրիգորյանի սպանությունը մինչ օրս բացահայտված չէ. Առաքելյան

«Ապրելու երկիր» կուսակցության համահիմնադիր Մեսրոպ Առաքելյանը իր գրառմամբ նշել է, որ 1990-ականների սկզբից մինչ օրս Հայաստանում տեղի են ունեցել բազմաթիվ քաղաքական սպանություններ, որոնք խորապես ազդել են երկրի զարգացման և ժողովրդավարական գործընթացների վրա։

Առաքելյանի խոսքով՝ այդ բոլոր սպանությունները տեղի են ունեցել ներիշխանական պայքարի շրջանակում, և դրանց մեծ մասը մինչև այսօր չի բացահայտվել։

Նա ընդգծել է, որ Հայաստանի նորագույն պատմության ընթացքում սպանված միակ ընդդիմադիր բարձրաստիճան պաշտոնյան Փարաքարի համայնքապետ Վալոդյա Գրիգորյանն է, որի սպանությունը նույնպես մնում է չբացահայտված։