Էրդողանը՝ Ադրբեջանի նախագահի մասին

Թուրքիայի նախագահ Ռեջեփ Թայիփ Էրդողանն Ադրբեջանից վերադառնալիս ինքնաթիռում լրագրողների հետ զրույցում, նշել է, որ այցի ընթացքում իրեն դիմավորել են բարձր մակարդակով։ Այս մասին հայտնում է АPA գործակալությունը:

«Ցանկանում եմ շնորհակալություն հայտնել Ադրբեջանի նախագահ Իլհամ Ալիևին: Ես բարձր եմ գնահատում Ադրբեջանի ջանքերը խաղաղության գործընթացում։

30 տարուց ավելի անկայունությունից հետո բացվել է հնարավորությունների պատուհան՝ մշտական խաղաղության և հանգստության համար։ Խաղաղության գործընթացի հնարավորինս շուտ ավարտն Ադրբեջանին կբերի առաջին պլան՝ որպես տարածաշրջանում խաղաղության ճարտարապետ»,– նշել է Թուրքիայի նախագահը։