Այս հողում թուրքական զnրքեր չեն լինի. Նեթանյահուն՝ Գազայի մասին

Թուրքական զորքերը չեն մասնակցի Գազայի անվտանգությունն ապահովելու համար նախատեսված բազմազգ ուժերին: Այս մասին ասել է նա Իսրայելի վարչապետ Բենյամին Նեթանյահուն:

Հոկտեմբերի 9-ին, Թրամփը հայտարարել էր, որ Իսրայելը և ՀԱՄԱՍ-ը համաձայնության են եկել խաղաղության ծրագրի առաջին փուլի վերաբերյալ։ Այն նախատեսում է Գազայի հատվածում պահվող բոլոր պատանդների ազատ արձակում և իսրայելական զորքերի դուրսբերում համաձայնեցված դիրքեր։ Հոկտեմբերի 10-ի գիշերը Նեթանյահուի գրասենյակը հայտարարել էր, որ կառավարությունը հաստատել է գործարքի պայմանները։

Թրամփի վարչակազմը ՄԱԿ-ի Անվտանգության խորհրդին ներկայացրել է միջազգային անվտանգության ուժեր ստեղծելու մասին բանաձևի նախագիծ՝ երկու տարի ժամկետով՝ երկարաձգման հնարավորությամբ։ Այս մասին նոյեմբերի 4-ին հայտնել էր Axios-ը՝ հղում անելով լրատվամիջոցի կողմից ձեռք բերված փաստաթղթին։

Զինված ուժերը խաղաղապահ առաքելություն չեն իրականացնի, այլ կկենտրոնանան Գազայի հատվածի սահմանների՝ Իսրայելի և Եգիպտոսի հետ, քաղաքացիական բնակչության և մարդասիրական միջանցքների պաշտպանության, ինչպես նաև պաղեստինյան նոր ոստիկանական ուժերի պատրաստման վրա։