Թուրքի ոսկորները հավաքել բերել են ու ասում են, որ ԴՆԹ-ն բռնեց. անհետ կորած զինծառայողների ծնողները կառավարության մոտ են

Անհետ կորած զինծառայողների հարազատները կառավարության մոտ ակցիա են անում՝ պահանջելով գտնել ու բերել իրենց երեխաներին:

Ծնողներից մեկն ասաց, որ ինքը Արցախյան ազատամարտի մասնակից է, վիրավորվել է նաև. «Այն ժամանակ թուրքի մոտ վարձկանների թիվը չէր անցնում 10 տոկոսը, հիմա 90 տոկոսն են վարձկան:

Այսօր ցանկացած տեղից ասում են, որ դի են բերել, բայց ինչ դի, անճանաչելի ոսկորներ են բերում: Նույն տարածքում և՛ թուրքն է զոհվել, և՛ մեր հերոս երեխաները:

Հիմա թուրքի ոսկորները հավաքել բերել են ու ասում են, որ ԴՆԹ-ն բռնեց: Այն ժամանակ մեր երեխաները ճանաչելի են եղել, ձգձգեցին, որ դառնան ոսկորներ: Հիմա ոսկորները տալիս են մարդկանց ձեռքն ու ասում, որ ԴՆԹ-ն բռնեց»:

«Մենք սեփական ապարատ չունենք, որ դա հաստատենք: Աստված չանի, եթե մի յաշիկ ոսկոր բերեն տան մեզ, մենք հնարավորություն չունենք ուղարկենք մի տեղ ստուգեն»,-ասաց նա: