Մնացել է Քոչարյանին դիմենք. անհետ կորած զինծառայողի ծնող

Անհետ կորած զինծառայողների ծնողները Ռուսաստանի դեսպանատան մոտ են՝ օգնություն խնդրելու վերադարձնել իրենց որդիներին:

Ծնողներն իրենց հետ նամակ են բերել, որի մեջ նշված են նաև անհետ կորածների անունները: Նրանք չգիտեն, թե ում կարող են արդեն դիմել իրենց հարցը լուծելու համար:

Քիչ առաջ ծնողներից մեկն առաջարկեց նամակն ուղղել նաև նրանց, ովքեր ուզում են իշխանության գալ: Մասնավորապես որոշում կայացվեց այն ուղղել նաև Ռոբերտ Քոչարյանին:

Ծնողներն ասացին, որ իրենք դեմ չեն, իրենց համար կարևորն այն է, որ հարցը լուծվի:

«Ես ծնող եմ, պատրաստ եմ բոլորին դիմել: Թող չասեն, որ հարցը քաղաքականացնում ենք: Մնացել է Քոչարյանին դիմենք: Եկեք այստեղից գնանք ու դիմենք Քոչարյանին»,-ասաց ծնողներից մեկը:

«Եթե մեր նամակը չվերցնեն, խնդրանքով գնալու ենք Քոչարյանի գրասենյակ: Թքեմ այս պետության վրա, որ կա պետություն»,-հավելեց նա