Հայաստանում 14 տարեկան երեխան կարող է գնալ ՄԻԱՎ-ի թեստ հանձնել ու գաղտնի պահել իր վարակված լինելը. պատգամավոր

Ազգային ժողովը քննարկում է օրինագծերի փաթեթ, որն առնչվում է մեծապես երեխաներին: Այս մասին խորհրդարանում հայտարարեց պատգամավոր Թագուհի Թովմասյանը՝ խոսելով Առողջապահության փոխնախարար Լենա Նանուշյանի ներկայացրած փաթեթի մասին:

«Շեմը 16-ից իջեցնելով 14՝ մենք այս օրենքով հնարավորություն ենք ստեղծում, որեսզի 14 տարեկան երեխան գնա ինքնուրույն ՄԻԱՎ-ի թեստ հանձնի, իսկ հետո նաև կարողանա գաղտնի պահել իր վարակված լինելը: Մենք չգիտեն, թե ինչ հետևանքներ կունենա այդ ռիսկը»,-ասաց նա:

Պատգամավորն ասաց, որ փոխնախարարը չկարողացավ ներկայացնել նախագծի իրական նպատակները, չկարողացավ համոզիչ փաստարկներ ներկայացնել, թե որն է իրական նպատակը. «Եթե մեր խնդիրը ՄԻԱՎ-ի դեմ պայքարն է, առնվազն տրաբանական չէ, որ ՄԻԱՎ կենտրոնը չպետք է տարալուծվեր այլ կենտրոնների մեջ ու դառնար մեկ ճյուղ»:

Պատգամավորը նաև ցանկացավ իմանալ, թե ինչու է քրեական օրենսգրքից հանվել ձևակերպումը, որ պատիժ է նախատեսվում դիտավորյալ մարդուն վարակելու համար: