Ուկրաինան ավելի քան 23 միլիոն դոլար է արգելափակել անձանցից, ովքեր կասկածվում են դավաճանության մեջ
Ուկրաինայի պետական ֆինանսական մոնիտորինգի ծառայությունը հայտնել է, որ 2022 թվականի առաջին եռամսյակում արգելափակել է ավելի քան 687 միլիոն գրիվնա (23,2 միլիոն դոլար), որը պատկանում էր դավաճանության մեջ կասկածվող անձանց։
«Պետական ֆինանսական մոնիտորինգի ծառայության հիմնական գործառույթն է նույնականացնել այն անձանց, ովքեր կարող են կապված լինել Ուկրաինայի դեմ Ռուսաստանի Դաշնության և Բելառուսի Հանրապետության ռազմական ագրեսիայի հետ, ներառյալ դիվերսիոն և հետախուզական խմբերը: 2022 թվականի առաջին եռամսյակում Ֆինանսական մոնիտորինգի պետական ծառայությունը իրավապահ մարմիններին ուղարկել է 14 նյութ 83 անձի ֆինանսական գործարքների վերաբերյալ, որոնց վերաբերյալ հիմնավոր կասկածներ կան, որ նրանք դավաճաններ են և կարող են կապված լինել Ռուսաստանի Դաշնության ռազմական ագրեսիայի հետ»,- նշված է հայտարարության մեջ։
Նշվում է, որ այդ ֆինանսական հետաքննությունների ընթացքում ծառայությունը դադարեցրել է (արգելափակել) 687,4 մլն գրիվնայի չափով դրամական միջոցներ։
