Սարի Թաղում՝ 33-ամյա տղամարդու վրա կրակոց արձակած կասկածյալ՝ Սամվել Քալաշյանը որոնվում է
Ոստիկանության Երևան քաղաքի վարչության քրեական հետախուզության բաժանմունքում ստացված օպերատիվ տվյալներն իրացնելով, քրեական հետախույզները պարզել են երեկ՝ մայիսի 1-ին, Սարի Թաղի 28-րդ փողոցի թիվ 1/ա հասցեի դիմաց, Երևան քաղաքի Ա. Հովհաննիսյան փողոցում հաշվառված 33-ամյա Արտաշես Ֆարսյանին հրազենային վնասվածք պատճառած անձի ինքնությունը: ֆոտոլրագրող Գագիկ Շամշյանի տեղեկացմամբ, Ա. Ֆարսյանին իր տան դիմաց հրազենային վնասվածք պատճառելու կասկածանքով որոնվում է Երևանի բնակիչ, 39-ամյա Սամվել Քալաշյանը:
Էրեբունու ոստիկանները ձեռնարկում են անհրաժեշտ օպերատիվ-հետախուզական միջոցառումներ՝ Ս. Քալաշյանին, ինչպես նաև հանցագործության գործիք հրազենը հայտնաբերելու ուղղությամբ: Դեպքի վայրի զննությամբ Էրեբունու ոստիկաններն ու քննիչները հայտնաբերել են արնանման հետքեր և անհայտ մակնիշի ու տրամաչափի ատրճանակի պարկուճ:
