ԱԻՆ-ը հերքում է. երկրաշարժ չի սպասվում
Քիչ առաջ Auroranews-ը ահազանգ էր ստացել, որ «Դալմա գարդեն մոլում» արտակարգ իրավիճակ է: Բոլորին տարհանում են, տարածքում շտապ օգնության մի քանի մեքենաներ են: Auroranews.am-ը կապ էր հաստատել Արտակարգ Իրավիճակների նախարարություն, որտեղից հայտնել էին, որ ինչ-որ մեկը կեղծ տեղեկատվություն է տարածել, թե երկրաշարժ է լինելու, մարդիկ էլ խուճապահար փախնում են:
Քիչ առաջ ԱԻՆ հերքում է տարածել: Ներկայացնում ենք ստորև.
Հարգելի՛ քաղաքացիներ, համացանցում լուրեր են շրջանառվում, իբր Հայաստանի Հանրապետության տարածքում՝ մասնավորապես Երևան քաղաքում, ուժեղ երկրաշարժ է սպասվում: ԱԻՆ Սեյսմիկ պաշտպանության տարածքային ծառայությունը պաշտոնապես հայտարարում է, որ որևէ հիմք չկա նման տեղեկատվություն տարածելու համար, քանի որ ընթացիկ սեյսմիկ իրավիճակը Հանրապետությունում վերահսկվում է ծառայության կողմից, ուստի ոչ մի հիմք չկա խուճապի:
Խնդրում ենք հետևել միայն պաշտոնական հաղորդագրությունների:
