Վանաձոր քաղաքում հրդեհ է բռնկվել. տեղում են հրշեջ-փրկարարները
Դեկտեմբերի 16-ին, ժամը 20։19-ին «911» ծառայություն ահազանգ է ստացվել, որ Լոռու մարզի Վանաձոր քաղաքի Ածխահատների փողոցի 13-րդ շենքի մոտակայքում այրվում է զրուցարան-տաղավար:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Հրդեհը մեկուսացվել է ժամը 20։38-ին, մարվել՝ 20։55-ին։ Այրվել են զրուցարան-տաղավարի տանիքի փայտյա կառուցատարրերն ամբողջությամբ (մոտ 6 քմ)։
