Հարգելի զինվորներ, շնորհակալ եմ Ձեզ․ Աննա Հակոբյան
ՀՀ վարչապետի տիկին Աննա Հակոբյանը իր ֆեյսբուքյան էջում գրառում է կատարել սահմանամերձ շրջաններ կատարած այցից.
«Անցնող շաբաթվա ընթացքում երկու տարբեր այցերով եղել եմ սահմանամերձ գյուղերում, շփվել մեր սահմանը պահող գյուղացիների հետ:
Եվ գալով սահմանամերձ բնակավայրեր, այսքան մոտ գտնվելով սահմանին, զինվորներին, ովքեր օր ու գիշեր մեր խաղաղությունն են պահպանում իրենց կյանքի գնով, ես ուղղակի չեմ կարող չգալ և չհետաքրքրվել նրանց որպիսությամբ։ Այցերից Երևան եմ վերադարձել մեծ ոգևորությամբ, նոր լիցքերով ու հերթական անգամ համոզվել եմ, որ հայկական բանակն ամենահզորն է, իսկ հայի ոգին՝ անպարտելի:
Մեկ անգամ ասել եմ և հիմա էլ կրկնում եմ՝ դիրքերում մթնոլորտն այլ է: Հարգելի զինվորներ, շնորհակալ եմ Ձեզ ձեր կատարած ծառայության, ձեր հայրենասիրության համար: Ձեր շնորհիվ մենք մեզ զգում ենք ամուր, անվտանգ ու պաշտպանված»:
