Փաշինյանն ու Բակո Սահակյանը Ստեփանակերտում հանդիպել են
Ստեփանակերտում այսօր` դեկտեմբերի 1-ին, տեղի է ունեցել Նախագահ Բակո Սահակյանի և Հայաստանի Հանրապետության Վարչապետ Նիկոլ Փաշինյանի հանդիպումը: Այս մասին հայտնում է Արցախի Հանրապետության նախագահի մամուլի ծառայությունը։
Աղբյուրը նշում է, որ հանդիպման ընթացքում կողմերը քննարկել են տարբեր ոլորտներում հայկական երկու պետությունների փոխգործակցության վերաբերյալ հարցերի լայն շրջանակ:
Նշենք, որ ՀՀ վարչապետը նոյեմբերի 30-ին աշխատանքային այցով մեկնել է Արցախի Հանրապետություն։ Ավելի վաղ նա այցելել էր մարտական հենակետեր, հանդիպել` զինծառայողների հետ։
