Գլխավոր դատախազ Արթուր Դավթյանը համաձայն չէ այն գնահատականի հետ, որ Հայաստանում քննվող գործերի հետ առնչություն ունեցող բոլոր այն պաշտոնյաներին, որոնք ապաստանել են Ռուսաստանում, ռուսական կողմը հրաժարվում է արտահանձնել։ Այս մասին Դավթյանն ասաց լրագրողների հետ այսօրվա զրույցում։

Ինչ վերաբերում է նրան, որ շատերը հենց Ռուսաստան են մեկնում՝ խուսափելով հետապնդումից, Դավթյանը նույնպես պատասխանեց, որ ընդհանրացնելու հիմք չկա։ Դավթյանը ասաց, որ գուցե վիզային ռեժիմ Ռուսաստանի հետ չկա և այնտեղ ավելի հեշտ է մեկնել, բայց շուտով հայտնի կդառնան նաև այլ երկրներում ապաստանածների անուններ։

«Ամեն փախնող իր հնարավորությունների գյորա է փախնում»,- ասաց Դավթյանը։