Հրայր Թովմասյանը արձակուրդ է վերցրել. Ալվինա Գյուլումյան

Սահմանադրական դատարանի նախագահ Հրայր Թովմասյանը մի քանի օրով արձակուրդ է վերցրել, լրագրողների հետ զրույցում ասել է Սահմանադրական դատարանի դատավոր Ալվինա Գյուլումյանը։

Նա նշեց, որ Հրայր Թովմասյանն իր լիազորությունները դադարեցնելու վերաբերյալ ԱԺ նախագիծը քննող ՍԴ նիստի անաչառությունն ապահովելու նպատակով այսօր ու վաղն արձակուրդում է։

Գյուլումյանն ասել է նաև, որ Հրայր Թովմասյանի հետ այս հարցի առնչությամբ ոչ մի քննարկում չի եղել։

Հիշեցնենք՝  Սահմանադրական դատարանն այսօր աշխատակարգային նիստ է գումարել, որի ընթացքում որոշվելու է ՍԴ նախագահ Հրայր Թովմասյանի լիազորությունները դադարեցնելու հարցով Ազգային ժողովի դիմումը վարույթ ընդունել-չընդունելու հարցը: