ՀՀ ԱԺ պատվիրակությունը ճամպրուկներով հայտնվել է Սերբիայի փողոցներում
ՀՀ ԱԺ «Իմ քայլը» խմբակցության պատգամավոր Արման Բոշյանը սոցիալական ցանցի իր էջում լուսանկար է հրապարակել և գրել․
«Սերբական արկածներից: Պատվիրակության ավտոբուսի վարորդը մեկ ու կես ժամ քաղաքով պտտեցնելուց հետ հայտարարեց, որ ինքը գաղափար չունի, թե ուր պետք է մեզ տանի ու ամբողջ պատվիրակությանը թողեց Բելգրադի կենտրոնում»։
Նշենք, որ ԱԺ պատվիրակությունը հոկտեմբերի 13-17-ը Բելգրադում (Սերբիայի Հանրապետություն) մասնակցելու է Միջխորհրդարանական միության 141-րդ վեհաժողովին, որի աշխատանքներին կմասնակցի ՀՀ ԱԺ նախագահ Արարատ Միրզոյանը։
