Մտածում էի իմ անունն էլ կգտնեմ. Մակունցը՝ պաշտոնանկությունների մասին
«Մամուլում հրապարակած ցանկին ծանոթացել եմ, և այն այնքան մեծ էր, որ անգամ մտածում էի, իմ անունն էլ կգտնեմ»,-այս մասին այսօր, խոսելով մամուլում շրջանառվող հնարավոր պաշտոնանկությունների մասին, ասաց «Իմ քայլը» խմբակցության ղեկավար Լիլիթ Մակունցը։
«Վարչության նիստի ժամանակ որևէ բան չի քննարկվել, և ինքս չունեմ տեղեկատվություն որևէ մեկի՝ մասնավորապես գործադիրից, հրաժարականի մասին»,-նշեց Մակունցը։
Նրա խոսքով՝ «Իմ քայլ»-ում նման զարգացումներ չեն սպասվում։
«Ես խոսում եմ «Իմ քայլ»-ի մասին, ինչ վերաբերվում է գործադիրին, որևէ մեկնաբանություն այդ մասին ես չեմ կարող տալ։
«Իմ քայլ»-ը խմբակցությունը ուժեղ է քան երբևէ, այնպես որ մենք դեռ շատ-շատ անելիքներ ունենք բարեփոխումների, ռեֆորմների հետ կապված, այդ թվում նաև դատաիրավական։ Այնպես որ, մեր բոլոր ուժերը և ջանքերը ուղղելու ենք հենց այդ գործընթացին։
Մենք հիմա մեր բոլոր ուժերն ուղորդում ենք այն ռազավարությունն իրականացնելուն, որն օրինակ դատաիրավական բարեփոխումների համատեքստում ներկացվել է արդարադատության նախարարության կողմից, ունենք շատ անելիքներ տնտեսական հարթակում, և մնացած բնագավառներում», ասաց Մակունցը։
