Կադրային փոփոխություններն արվում են աշխատանքային կարգով. Արշակյան

Կադրային փոփոխություններն արվում են աշխատանքային կարգով, եւ այս դրությունից իշխանությունը դուրս է եկել ուժեղացած: 

Այս մասին ՀՀ կառավարության նիստից հետո լրագրողների հետ ճեպազրույցում ասաց Բարձր տեխնոլոգիական արդյունաբերության նախարար Հակոբ Արշակյանը։

«Դրա մասին են վկայում նաև հանրության արձագանքները»,- ասաց նախարարը՝ հավելելով, որ այլ նախարարների հրաժարականների մասին քննարկում կառավարությունում չի եղել։

Հարցին՝ ԱԱԾ տնօրենի և ոստիկանապետի հրաժարականները համընկան այն նախաձեռնության հետ, որ ուժային կառույցները դառնալու են քաղաքական, ՔՊ-ում որոշում կա՞, թե ինչ քաղաքական նշանակումներ են լինելու, Արշակյանը պատասխանեց. «Այդպիսի քննարկում կուսակցությունում տեղի չի ունեցել»։