ԱԳՆ-ն չի մեկնաբանում Զաքիր Հասանովի հայտարարությունը

Պաշտպանության նախարարն արդեն պատասխանել է: Այս մասին Tert.am-ի հետ զրույցում ասաց ՀՀ ԱԳՆ մամուլի քարտուղար Աննա Նաղդալյանը` պատասխանելով հարցին, թե որն է ԱԳՆ-ի դիրքորոշումը Ադրբեջանի պաշտպանության նախարար Զաքիր Հասանովի՝ «մենք մեր խոսքը կասենք ռազմի դաշտում» հայտարարության վերաբերյալ, որը ՀՀ վարչապետ Նիկոլ Փաշինյանի՝ «Արցախը Հայաստան է, և վերջ» արտահայտության պատասխանն էր:

«Այդ հարցում կբավարարվենք ՀՀ պաշտպանության նախարար Դավիթ Տոնոյանի մեկնաբանությամբ»,-ասաց Նաղդալյանը:

Հիշեցնենք՝ երեկ լրագրողների հետ ճեպազրույցում, մեկնաբանելով Ադրբեջանի պաշտպանության նախարար Զաքիր Հասանովի հայտարարությունը, Հայաստանի պաշտպանության նախարար Դավիթ Տոնոյանն ասել էր. «Երազելը շատ լավ բան է, թող երազի»: