Վարչապետ Փաշինյանը Ջերմուկ այցի ընթացքում չի գնացել Գնդեվազ գյուղ. համայնքի բնակիչները դժգոհ են
Գնդեվազ համայնքի բնակիչները դժգոհ են, որ այսօր վարչապետ Փաշինյանը Ջերմուկ այցի ընթացքում չգնաց Գնդեվազ գյուղ:
«Որ եկել ա Ջերմուկ, խի՞ չի եկել Գնդեվազ», - ասաց քաղաքացիներից մեկը:
«Խաբեց, էսօր էլ խաբեց», - արձագանքեց մյուսը:
Հիշեցնենք, որ առավոտից Նիկոլ Փաշինյանը ՀՀ տարածքային կառավարման և ենթակառուցվածքների նախարար Սուրեն Պապիկյանի հետ մեկնել էր Ջերմուկ: Փաշինյանը ելույթ է ունեցել Ջերմուկի հրապարակում, ապա շրջայց կատարեց Սարավանում, որտեղ բնակիչները մեծամասամբ նշեցին, որ կողմ են հանքի շահագործմանը, իսկ այս պահին գտնվում է Գորայքում:
Այստեղ լրագրողներից մեկը հետաքրքրվեց Փաշինյանից, թե ինչո՞ւ չգնաց Գնդեվազ, քանի որ նրանք սպասում էին իր հետ հանդիպմանը և դեմ են հանքի բացմանը: Փաշինյանին զարմացրեց այս դիտարկումը:
«Բա ասում են գնդեվազցիք կողմ են», - հակադարձեց նա:
