Այսօր՝ հուլիսի 31-ին, Երևանի Սուրբ Գրիգոր Լուսավորիչ բժշկական կենտրոնում մահացել է Երևան քաղաքի Քանաքեռ-Զեյթուն վարչական շրջանի բնակիչ, 67-ամյա Ծովինար Պ-ն։ 

Ինչպես հայտնում է Shamshyan.com-ը, վերջինս հիվանդանոց էր տեղափոխվել հուլիսի 20-ին` Երևանի Պարույր Սևակի և Ռուբինյանց փողոցների խաչմերուկում վրաերթի ենթարկվելու հետևանքով։ Այդ օրը, ժամը 22։10-ի սահմաններում, Երևան քաղաքի Նոր Նորք վարչական շրջանի բնակիչ՝ 42-ամյա Արթուր Կ-ն իր վարած Volkswagen Tuareg մակնիշի 35 VD 926 համարանիշի ավտոմեքենայով վրաերթի էր ենթարկել Ծովինար Պ-ին, որը տեղափոխվել էր Սուրբ Գրիգոր Լուսավորիչ բժշկական կենտրոն։ 

Աղբյուրի տեղեկություններով՝ այսօր Ա. Թևոսյանի որոշմամբ հարուցվել է քրեական գործ՝ ՀՀ քր. օր-ի 242 հոդվածի 2-րդ մասի հատկանիշներով և հարուցված քրեական գործը փոխանցվել է Հայաստանի քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժին։