Սիբիրյան անտառային հրդեհների ծուխը հասել է Ալյասկա և Կանադայի արևմտյան ափի որոշ շրջաններ: Այդ մասին հայտարարել է NASA-ն՝ հղում անելով արբանյակային տվյալներին: 

Ըստ Գոդդարդի անվան Տիեզերական թռիչքների կենտրոնի մթնոլորտի ուսումնասիրման մասնագետ Քոլին Սեֆտորի, ծուխն այժմ հասել է կանադական Վանքուվերու ամերիկյան Սիեթլ: Մի մասը տարածվել է նաև Խաղաղ օվկիանոսի արևելյան մասում, գրում է tjournal ru-ն: 

Գիտնականները նշում են, որ տարածաշրջանում մթնոլորտի աղտոտման վրա ազդում են նաև Կանադայի հրդեհները՝ այնտեղ նույնպես անտառն է այրվում: 

Հրդեհներին հետևում է նաև «Ռոսկոսմոսը»՝ այնտեղից փրկարարներին տեղեկություններ են հաղորդել 2 քկմ տարածքում իրավիճակի մասին: 

Սիբիրում անտառային հրդեհների մակերեսը գերազանցում է 2,8 մլն հա-ն: Ակտիվ հրդեհաշիջման աշխատանքներ են ընթանում 170,000 հա վրա, հիմնականում Իրկուտսկի և Կրասնոյարսկի երկրամասերում: Ըստ ՌԴ բնության նախարարության, սիբիրյան անտառներում հրդեհների հիմնական պատճառը բնական գործոնն է՝ այսպես կոչված «չոր ամպրոպները»: