ՏԵՍԱՆՅՈՒԹ 18+. Դաժան կադրեր` ՌԴ-ում մանկական խաղահրապարակում երիտասարդ կնոջ սպանությունից

Արդեն հայտնել էինք, որ ձերբակալվել է Ռամենսկայա փողոցում գտնվող մանկական խաղահրապարակում Նատալյա Բասովոյի սպանության մեջ մեղադրվող տղամարդը: 

Այժմ Թելեգրամի Mash ալիքում հրապարակվել են սպանության դաժան կադրերը: Տեսանյութում երևում է, որ մարդասպանը Նատալյային մոտենում է հետևի կողմից, որը նստած է խաղահրապարակի նստարաններից մեկի վրա, և բոլորի աչքի առաջ սկսում է դանակով հարվածել կնոջը։ Կինը տեղում մահանում է։

Կատարվածից սարսափած ականատեսներն իրենց երեխաներին արագ գրկում ու փախչում են դեպքի վայրից` կարծելով, որ մարդասպանը իրենց էլ կարող է վնասել։ Բայց վերջինս իր «սև գործն» ավարտին հասցնելուց հետո թողնում ու հեռանում է սպանության վայրից։

«Նա հանեց դանակը, որսորդական մի մեծ դանակ, այն երկու անգամ խրեց կնոջ մեջքի մեջ, վիզը կտրեց ու գնաց» – պատմում են ականատեսները։

Սպանվածը 27 տարեկան էր, աշխատում էր մանկապարտեզում և ապրում էր մանկապարտեզի հարակից տարածքում վարձակալած բնակարանում։ Նա խնամում և մեծացնում էր իր 5–ամյա աղջկան։ Նատալյան ամուսնուց բաժանվել էր, որից հետո Տամբովից տեղափոխվել էր Ռամենսկայա փողոց։

Ռուսաստանի Դաշնության քննչական կոմիտեի տվյալներով` մահացածի դուստրը հիվանդանոց է տեղափոխվել շոկային վիճակում։ Նրան խնամում է հարազատ մորաքույրը։ Դեռ հայտնի չէ` երեխան տեսել է սպանությունը, թե ոչ։