Դուստրը ամուսնունը չէ, ընտանիքում վեճ է եղել. մանրամասներ Շիրակի մարզում մոր ու դստեր անհետ կորելու դեպքից

Ինչպես արդեն հայտնել ենք, Շրակի մարզի Մուսայելյան գյուղի բնակիչներ 39-ամյա Մարո և 17-ամյա Սյուզաննա Դիասամիձեները որոնվում են որպես անհետ կորած։ Ըստ տեղեկությունների՝ նրանց վերջին անգամ տեսել են Գյումրու Գայի պողոտայով մի կնոջ հետ դեպի զբոսայգի քայլելիս։

ArmDaily.am-ի հետ զրույցում համայնքի ղեկավար Կարեն Վարդանյան հայտնեց, որ փոքր կենցաղային վեճ է եղել, տանից թողել գնացել են. «Դուստրը կնոջ երեխան էր, ամուսնունը չէր, ընդամները երկու տարվա ընտանիք էին, ընտանիքում այլ երեխաներ չկան։ Ամուսինը վեճի օրը մի փոքր խմած է եղել, դրա համար է վեճը ծագել։ Գնալու երկրորդ օրը, երբ տեսանք, որ մեր ուժերով չենք կարողանում գտնել, ամուսինը հայտնեց ոստիկանություն։ Մոտ մեկ շաբաթ է, որ անհետ կորած են»։

Վարդանյանը հավելեց, որ որոնումները դժվարացնում է նաև այն, որ մայրը առողջական խնդիր ունի ինչի հետևանքով աչքերն ավելի արտահայտված են և դեմքը փոխված է, իսկ իրենց մոտ եղած միակ լուսանկարը անձնագրի լուսանկարն է, որից բավական տարբեր է այժմ։