Վրաստանում տեղի ունեցած վթարի հետևանքով տուժած քաղաքացուն «Սուրբ Աստվածամայր» բժշկական կենտրոնի վերակենդանացման բաժանմունքի բրիգադը տեղափոխում է Հայաստան։ Նա Վրաստանում մնացած վերջին տուժածն է: Վիճակը ծայրահեղ ծանր է: Միացված է արհեստական շնչառություն:

Նույն վթարից ևս երկու վիրավորներ շարունակում են բուժում ստանալ «Սուրբ Աստվածամայր» բժշկական կենտրոնում: Այս մասին հայտնել է բժշկական կենտրոնի խոսնակ Գևորգ Դերձյանը։