Ինչո՞ւ ՃՈ տեսուչները կամ շրջապատի մարդիկ օգնության ձեռք չմեկնեցին այս աղջկան

Ոչ ադեկվատ աղջիկ, անգործունակ ոստիկանություն, անտարբեր, «հպարտ» հայություն: Ֆեյսբուք սոցիալական ցանցում տեսանյութ է շրջանառվում, որտեղ երևում է, թե ինչպես է մի աղջիկ պառկել ՃՈ մեքենայի վրա: Տեսանյութ իր ՖԲ էջում հրապարակել է Syuzi Mnacakanyan անունով օգտատերը: Առաջին հայացքից աղջիկը խմած է: Սակայն սա միայն առաջին հայացքից: Կարելի էր նախ դուրս գալ մեքենայից, հետո կամ ՃՈ-ի մեքենայով կամ շտապ օգնության մեքենայով վերջինիս տեղափոխել հիվանդանոց: Ամեն դեպքում աղջկան պետք էր դուրս բերել երթեւեկելի հատվածից, քանի որ նա կարող էր ընկնել մեկ այլ մեքենայի տակ, որն ուղղակի չհասցներ արգելակել: Տեսանյութում նաեւ լսվում է նկարահանողների ծիծաղն ու մեկնաբանությունները: Հետեւություններն էլ թողնում ենք Ձեզ: