Թալանել են Արագածոտնի մարզպետարանի վարչության պետի պաշտոնակատարի տունը
Արագածոտնի մարզում փետրվարի 21-ին, ժամը 22.30-ի սահմաններում, խոշոր չափի գողություն է տեղի ունեցել. ոստիկանության Աշտարակի բաժին է դիմել փաստացի Աշտարակ քաղաքում բնակվող 51-ամյա Կարեն Ս.-ն եւ հայտնել, որ նույն օրը, ժամը 08։30-ից մինչեւ ժամը 22։30-ն ընկած ժամանակահատվածում անհայտ անձը կամ անձինք մտել են Աշտարակ քաղաքի Ղ. Փարպեցու փողոցի վրա գտնվող իր տուն եւ այնտեղից հափշտակել ոսկա զարդեր եւ գումար։
Shamshyan.com-ի փոխանցմամբ, գողը կամ գողերը տուն են մտել երկրորդ հարկի պատուհանից, իսկ Կարեն Ս.-ն աշխատում է Արագածոտնի մարզպետարանի կրթության եւ մշակույթի վարչության պետի ժամանակավոր պաշտոնակատար։
