Ծառուկյանը չի պատրաստվում կողմ քվեարկել կառավարության ծրագրին․ ներկայացնում է պատճառները
Շատ գեղեցիկ է գրված, կամեցողություններով լի։ Այս մասին այսօր լրագրողների հետ զրույցում ասաց ԲՀԿ խմբակցության ղեկավար Գագիկ Ծառուկյանը՝ անդրադառնալով կառավարության ծրագրին:
Ծառուկյանը կարծիքով՝ կառավարության ներկայացրած ծրագիրը չի ենթադրում տնտեսական հեղափոխություն:
«Այս ծրագիրը տնտեսական հեղափոխության ծրագիր չէ, եթե չփոխվի, մենք դրան կողմ քվեարկել չենք կարող: Տնտեսական հեղափոխության համար անհրաժեշտ են գումարի աղբյուրներ, ժամկետներ ու մեխանիզմ, որն այնտեղ բացակայում է: Ցանկացած կառավարության ծրագրում պետք է գումարներ դնել, առանց դրա տնտեսական աճ լինել չի կարող»,-ասաց Ծառուկյանը:
Նրա խոսքով՝ ներդրումներ ներգրավելու համար պետք է ցույց տալ կոնկրետ ցուցանիշներ, հակառակ դեպքում ոչ մի ներդրող, ըստ նրա, չի գա Հայաստան ու ներդրում չի կատարի:
«Հենց այնպես ներդրում չի կարող լինել։ Չենք գնալու մարդկանց խնդրենք՝ եկեք, դրեք։ Ներդրման համար անհրաժեշտ է օրենքներ ու պայմաններ փոխվեն:։ Ներդրողները պետք է համեմատական կարգով նայեն՝ ինչ պայմաններ են աշխարհի ուրիշ երկրներում...մերը պետք ավելի լավ լինի», - ասաց նա։
