500 հազար դրամ հիպոթեքային վարկ են փակում, բայց նպաստ են ստանում․ Փաշինյան

12 հազար սոցիալական և ընտանեկան նպաստ ստացողի վերաբերյալ ահազանգ ունենք, որ նրանք իրականում չպետք է ստանան այդ նպաստը, բայց ստանում են։ Այսինքն` ի՞նչ ահազանգ է, ի՞նչ ինդիկատորից ենք հասկանում դա։ Այս մասին ակսօր ԱԺ-ում ասաց ՀՀ վարչապետ Նիկոլ Փաշինյանը՝ մանրամասնելով, որ մարդ կա ամիսը 500 հազար դրամ վարկ է փակում, օրինակ` հիպոթեքային վարկ ունի, այսինքն` բնակարան է գնել մարդը, և, հետևաբար, այդ մարդը չպիտի ստանար սոցիալակaն նպաստ, ընտանեկան նպաստ, բայց ստանում է։ Նրա խոսքով՝ այդ նպաստն այդ մարդիկ ստանում են նրանց հաշվին, ովքեր պետք է ստանային տվյալ գումարն ավելի մեծ դրույքաչափով։ Բայց հիմա, քանի որ այդպիսի խնդիր կա, չի ստացվում նպաստների դրույքները բարձրացնել։ Ու այս դեպքում, ըստ Փաշինյանի, անհրաժեշտ է բարձրացնել նպաստների տրամադրման հասցեականությունը։ Խոսելով աղքատության մասին վարչապետը նշեց, որ աղքատությունը միայ սոցիալական երևույթ չէ։ «Աղքատությունը ոչ միայն սոցիալական երեւույթ է, այլեւ հոգեբանական, մտածողության որոշակի տեսակի հետ կապ ունի: Աղքատությունը զուտ տնտեսական հարաբերությունների հետ կապված բան չի: Մարդու աղքատությունը գլխում է: Չի կարող մարդը, ով էստեղ (ցույց է տալիս գլոււխը-խմբ) աղքատությունը չի հաղթահարել, ինչ ուզում ես արա՝ նա չի հաղթահարի: Տար ամեն օր 100 հազար դոլար տուր»,-ասաց Փաշինյանը՝ մեջբերում անելով Հրանտ Մաթեւոսյանի «Ծառերը» ստեղծագործությունից: