Մոսկվայի վրա ԱԹՍ-ների վերջին հարձակումը վերջին երկու տարվա խոշորագույններից մեկն է

Մոսկվայի ուղղությամբ նախորդ երեկոյան և գիշերը իրականացված անօդաչու թռչող սարքերի (ԱԹՍ) հարձակման փորձը վերջին երկու տարվա խոշորագույններից մեկն է։ Այդ մասին հայտնում է ՏԱՍՍ գործակալությունը՝ հիմնվելով Մոսկվայի քաղաքապետ Սերգեյ Սոբյանինի հրապարակած տվյալների վրա։

Սոբյանինի խոսքով՝ հուլիսի 27-ի ժամը 20:30-ից մինչև հուլիսի 28-ի ժամը 06:30-ն Մոսկվայի մարզի ուղղությամբ թռչել է ավելի քան 390 ԱԹՍ։ Նրա պնդմամբ՝ դրանց մեծ մասը վնասազերծվել է հակաօդային պաշտպանության ուժերի կողմից հեռավոր մատույցներում, իսկ 81 անօդաչու ոչնչացվել է Մոսկվայի մատույցներում։

ՏԱՍՍ-ի հաշվարկներով՝ այս հարձակումը մասշտաբներով զիջում է միայն հուլիսի 6-ի լույս 7-ի գիշերվա գրոհին, երբ, ըստ Սոբյանինի, Մոսկվայի ուղղությամբ արձակվել էր ավելի քան 430 ԱԹՍ, որոնցից 36-ը խոցվել էին մայրաքաղաքի մատույցներում։

Գործակալությունը նաև հիշեցնում է, որ հուլիսի 19-ի լույս 20-ի գիշերը Մոսկվայի ուղղությամբ արձակվել էր ավելի քան 400 ԱԹՍ, հուլիսի 17-ի լույս 18-ի գիշերը՝ ավելի քան 370, իսկ հուլիսի 11-12-ը՝ ավելի քան 300 անօդաչու։

Ռուսական կողմը պնդում է, որ բոլոր նշված դեպքերում հակաօդային պաշտպանության համակարգերը կարողացել են վնասազերծել անօդաչուների մեծ մասը՝ նախքան դրանք կհասնեին մայրաքաղաք։