Իրանի գործողություններն ուղղված են ԱՄՆ-ի դեմ. Արաղչի

Իրանը Մերձավոր Արևելքի հարևան երկրներին թշնամի չի համարում, նրա գործողություններն ուղղված են բացառապես ԱՄՆ-ի դեմ։ Այս մասին հայտարարել է Իրանի ԱԳՆ ղեկավար Աբբաս Արաղչին, հաղորդում է «ՏԱՍՍ»։

«Տարածաշրջանային մակարդակում կա ընդհանուր ըմբռնում, որ Իրանի ձեռնարկած գործողությունները թելադրված չեն տարածաշրջանի երկրների հանդեպ թշնամանքով, այլ պայմանավորված են այլ պատճառներով, որոնց մասին բոլոր կողմերը գիտեն և հասկանում են», - ասել է նա «Իրան» թերթին տված հարցազրույցում։

Իրանի արտաքին քաղաքական գերատեսչության ղեկավարն առանձնահատուկ ընդգծել է, որ հակամարտության ավարտից հետո Թեհրանը մտադիր է երկխոսություն վարել և վերականգնել վստահությունը հարևանների հետ։