Կրեմլը մեկնաբանել է Ուկրաինայի պաշտպանության նախարարի հրաժարականը

Կրեմլում հայտարարել են, որ Ուկրաինայի պաշտպանության նախարարի փոփոխությունը էական նշանակություն չունի։ Այս մասին ասել է Ռուսաստանի նախագահի մամուլի քարտուղար Դմիտրի Պեսկովը։

«Մենք, իհարկե, հետևում ենք Կիևի ռեժիմի հետ կապված բոլոր նորություններին, հատկապես հատուկ ռազմական գործողության պայմաններում։ Սակայն, մեծ հաշվով, նշանակություն չունի, թե ով է այնտեղ պաշտպանության նախարարը», - նշել է Պեսկովը։

Նրա խոսքով՝ Մոսկվայի համար կարևոր է, թե ով կընդունի այնպիսի որոշում, որը կհանգեցնի հակամարտության ավարտին։

Ավելի վաղ Միխայիլ Ֆյոդորովը հաստատել էր, որ նախագահ Վլադիմիր Զելենսկու որոշմամբ հեռանում է Ուկրաինայի պաշտպանության նախարարի պաշտոնից։ Նրա հայտարարությունից հետո երկրում բողոքի ակցիաներ են տեղի ունեցել։

Դրանից հետո հրաժարականի մասին հայտարարել է նաև Ուկրաինայի ռազմաօդային ուժերի հրամանատարի տեղակալ Պավել Ելիզարովը։ Միևնույն ժամանակ Ուկրաինայի Գերագույն ռադայում հնչել են կոչեր՝ պաշտպանության նախարարի փոխարեն պաշտոնանկ անել ԶՈւ գլխավոր հրամանատար Ալեքսանդր Սիրսկուն։