Մեր նախընտրական խոստումը կատարում ենք այնտեղ, որտեղ Ուժեղ Հայաստանը հաղթել է. Նարեկ Կարապետյան

«Ուժեղ Հայաստան» կուսակցության խորհրդի անդամ Նարեկ Կարապետյանը հայտարարել է, որ կուսակցությունը մեկնարկում է բնակարանային նոր ծրագիր Լոռու մարզի այն համայնքներում, որտեղ, իր խոսքով, ստացել են ընտրողների մեծամասնության աջակցությունը։

Նրա խոսքով՝ ծրագիրը կգործի Ստեփանավանի, Գյուլագարակի և Տաշիրի տարածաշրջաններում։ Այդ համայնքներում յուրաքանչյուր ընտանիք, որտեղ կծնվի հինգերորդ երեխան, նվեր կստանա բնակարան՝ ձևակերպված մոր անունով։

«Հայաստանում ընտրություններից առաջ մենք խոսք էինք տվել, որ այն ընտանիքները, որտեղ կծնվի հինգերորդ երեխան, բնակարան պետք է ստանան։ Այսօր մեկնարկում ենք այդ ծրագիրը այն տարածաշրջաններում, որտեղ մարդիկ մեզ վստահել են»,- նշել է Կարապետյանը։