Երևանում առաջիկա օրերին երեկոյան հնարավոր են կարճատև անձրև և ամպրոպ

Հանրապետության առանձին շրջաններում առաջիկա օրերին կեսօրից հետո և գիշերը կդիտվեն կարճատև անձրևներ ու ամպրոպ, ինչպես նաև հնարավոր է կարկուտ։

Երևանում հուլիսի 15-ին տեղումներ չեն կանխատեսվում, սակայն հուլիսի 16-19-ի երեկոյան ժամերին քաղաքի որոշ հատվածներում հավանական է կարճատև անձրև և ամպրոպ: Մայրաքաղաքում հուլիսի 15-19-ի երեկոյան ժամերին սպասվում է քամու ուժգնացում՝ 13-16 մ/վ արագությամբ։

Հանրապետության տարածքում հուլիսի 15-16-ի կեսօրից հետո, ինչպես նաև հուլիսի 17-19-ի գիշերային ու կեսօրից հետո ընկած ժամանակահատվածներում առանձին վայրերում սպասվում է կարճատև անձրև և ամպրոպ, իսկ առանձին հատվածներում հնարավոր է նաև կարկուտ: 

Քամին կլինի հարավարևելյան՝ 2-5 մ/վ արագությամբ, իսկ ամպրոպների ժամանակ կանխատեսվում է քամու ուժգնացում՝ հասնելով 16-20 մ/վ-ի։ Արմավիրում, ինչպես նաև Արագածոտնի և Կոտայքի նախալեռներում հուլիսի 15-19-ի երեկոյան ժամերին սպասվում է քամու ուժգնացում՝ 15-18 մ/վ արագությամբ։ Օդի ջերմաստիճանը հուլիսի 16-17-ի ցերեկը աստիճանաբար կնվազի 4-5 աստիճանով։