Մոսկվայի մարզում ԱԹՍ-ների հարձակումից կան զոհեր և վիրավորներ

Մերձմոսկվայի Իստրայի Պիոներսկոյե ավանում Ուկրաինայի զինված ուժերի անօդաչու թռչող սարքի հարձակման պատճառով երեք մարդ է զոհվել, ևս երեքը ստացել են վիրավորումներ։

Մարզպետ Անդրեյ Վորոբյովի հաղորդմամբ՝ հարձակման հետևանքով հինգ առանձնատներում հրդեհ է բռնկվել: Բացի այդ, Սոլնեչնոգորսկում բազմաբնակարան բնակելի շենքի վրա ԱԹՍ-ի ընկնելու պատճառով տուժել է երկու մարդ: 

Ընդհանուր առմամբ, Մոսկվայի մարզում ՀՕՊ ուժերի և ՌԷՊ միջոցների կողմից խոցվել է 81 ԱԹՍ։ Քաղաքապետ Սոբյանինն իր հերթին հայտնել է, որ երեկ երեկոյից Մոսկվայի շրջանի ուղղությամբ թռել է ավելի քան 350 անօդաչու թռչող սարք: Դրանց մեծ մասը ՀՕՊ ուժերը ոչնչացրել են հեռավոր շրջաններում, իսկ 50 ԱԹՍ ոչնչացվել է Մոսկվային մոտենալիս: