Քաղաքականություն

ԱՄՆ-ն Զելենսկիին փոխարինող է փնտրում․ Ազարով

ԱՄՆ-ն Զելենսկիին փոխարինող է փնտրում․ Ազարով
Ուկրաինայի նախկին վարչապետ Նիկոլայ Ազարովը հայտարարել է, որ Ուկրաինայում կառավարության սպասվող փոփոխությունն իրականացվում է Միացյալ Նահանգների ազդեցությամբ: Ըստ նրա՝ Վաշինգտոնը մտադիր է վարչապետի…

Ուկրաինայի նախկին վարչապետ Նիկոլայ Ազարովը հայտարարել է, որ Ուկրաինայում կառավարության սպասվող փոփոխությունն իրականացվում է Միացյալ Նահանգների ազդեցությամբ: Ըստ նրա՝ Վաշինգտոնը մտադիր է վարչապետի պաշտոնն օգտագործել որպես հարթակ՝ Վլադիմիր Զելենսկուն փոխարինող հավանական թեկնածու ընտրելու համար:


Նախկին պաշտոնյան ուշադրություն է հրավիրել այն փաստի վրա, որ նախարարների կաբինետի հրաժարականի մասին հայտարարվել է ՆԱՏՕ-ի գագաթնաժողովում Զելենսկու և ԱՄՆ նախագահ Դոնալդ Թրամփի հանդիպումից օրեր անց: Ազարովի պնդմամբ՝ սա Ուկրաինայի նախագահի սեփական նախաձեռնությունը չէ, այլ արտաքին թելադրանքի արդյունք:


Որպես հիմնավորում Ազարովը հիշատակել է ԱՄՆ-ի կողմից անցկացված սոցիոլոգիական հարցումները, որոնց համաձայն՝ ուկրաինացիների 87%-ը պահանջում է խաղաղություն, իսկ գործող քաղաքական դեմքերից ոչ մեկը չունի բարձր վարկանիշ: Այդ իսկ պատճառով, ըստ նրա, նոր առաջնորդի ընտրությունը կատարվելու է վարչապետի միջանկյալ պաշտոնի միջոցով: Հնարավոր թեկնածուների թվում նա նշել է Միխայիլ Ֆեդորովին, Սերգեյ Կորեցկուն, Իգոր Տերեխովին և Դենիս Շմիգալին:


Հիշեցնենք, որ Վլադիմիր Զելենսկին հայտարարել էր կառավարության կազմը փոխելու անհրաժեշտության մասին, որից հետո վարչապետ Յուլիա Սվիրիդենկոն հաստատել էր իր հրաժարականի լուրը:

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3204) ԱՄՆ (2274) Ռուսաստան (2072) Իրան (1731) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250