Ադրբեջանը էլեկտրաէներգիա կմատակարարի Վրաստանին

Ադրբեջանի նախագահ Իլհամ Ալիևը հրամանագիր է ստորագրել, որով հաստատվել է 2026 թվականի մայիսի 18-ին Բաքվում ստորագրված Ադրբեջանի և Վրաստանի կառավարությունների միջև էլեկտրաէներգիայի մատակարարման և տարանցման մասին համաձայնագիրը։

Ադրբեջանի ղեկավար Իլհամ Ալիևի ստորագրած հրամանագրով վավերացվել է «Ադրբեջանի կառավարության և Վրաստանի կառավարության միջև Վրաստան էլեկտրաէներգիայի մատակարարման և Վրաստանի տարածքով էլեկտրաէներգիայի տարանցման մասին համաձայնագիրը», որը կողմերը կնքել էին 2026 թվականի մայիսի 18-ին Բաքվում։ 

Ըստ սույն հրամանագրի՝ փաստաթղթի իրավական ուժ ստանալուց հետո Ադրբեջանի էներգետիկայի նախարարությունը պարտավոր է ապահովել դրանում ամրագրված դրույթների կատարումը։ Միևնույն ժամանակ, Ադրբեջանի արտաքին գործերի նախարարությանը հանձնարարվել է պաշտոնական ծանուցում հղել Վրաստանի կառավարությանը՝ համաձայնագրի ուժի մեջ մտնելու նպատակով անհրաժեշտ ներպետական ընթացակարգերի իրականացման վերաբերյալ։