Իսրայելն արձագանքել է Իրանի բանակցողներին սպանելու մասին հրապարակումներին

Իսրայելը հերքել է The New York Times և The Washington Post պարբերականների հրապարակումներն այն մասին, ըստ որոնց իբր գոյություն են ունեցել իրանցի բանակցողների վերացման ծրագրեր՝ դրանք անվանելով «կեղծ լուրեր» և «իրականության ամբողջությամբ հորինված տարբերակ»։

Ավելի վաղ պարբերականները, հղում անելով անանուն ամերիկացի պաշտոնյաներին, գրել էին, որ Իսրայելը ենթադրաբար դիտարկել է Վաշինգտոնի և Թեհրանի միջև հակամարտության դադարեցմանն ուղղված բանակցություններին մասնակցող Իրանի ներկայացուցիչների վերացման հնարավորությունը։

Հաղորդագրություններում նշվում էր, որ նման ծրագրերը կարող էին քննարկվել կողմերի միջև դիվանագիտական կարգավորման փորձերի ֆոնին։ Ընդ որում, Իսրայելին ավանդաբար մեղադրում են տարածաշրջանային հակամարտությունների ընթացքում հակառակորդ կողմերի ներկայացուցիչներին թիրախային հարվածներ հասցնելու գործելակերպի մեջ։

Մասնավորապես, հիշատակվում էր 2025 թվականի սեպտեմբերի միջադեպը, երբ Իսրայելը հարված էր հասցրել ՀԱՄԱՍ-ի ներկայացուցիչներին, որոնք գտնվում էին Դոհայում՝ հրադադարի առաջարկը քննարկելու նպատակով։

Հիշեցնենք՝ ավելի վաղ հայտնել էինք, որ Իսրայելը պլանավորել էր uպանել Իրանի բանակցողներին. Իրանի ԱԳՆ-ն արձագանքել էր: